प्रस्तावक महाराष्ट्र राज्यातील शासकीय किंवा निमशासकीय संस्थेत कार्यरत अधिकारी अथवा कर्मचारी असावा.

राज्य शासन, केंद्र शासन, तसेच सरकारी उपक्रमांतील अधिकारी/कर्मचारी वर्ग या पुरस्कारासाठी पात्र राहतील.

प्रस्तावकाचे सेवाकाल किमान १ वर्षे पूर्ण असणे आवश्यक आहे.

प्रस्तावक निर्व्यसनी असावा. अंतिम निवड करताना “बी द चेंज फाउंडेशन” तर्फे संबंधित कार्यालयाशी संपर्क साधून या गोष्टीची खातरजमा केली जाईल.

कोणत्याही प्रकारची विभागीय चौकशी सुरु नसावी किंवा प्रस्तावक निलंबित नसावा.

प्रस्तावकाने आपल्या सेवाकाळात नैतिक आचारसंहिता, प्रामाणिकपणा, जबाबदारी व शिस्तपालनाचे उत्तम उदाहरण सादर केलेले असावे.

प्रस्तावकाने आपल्या कार्याशी संबंधित कोणत्याही प्रकारची चुकीची अथवा दिशाभूल करणारी माहिती दिल्यास त्याचा प्रस्ताव अवैध ठरेल.

प्रस्ताव दाखल करत असतांना प्रस्तावकाने दिलेली माहिती व पुरावे हे चुकीची अथवा दिशाभूल करणारी नसावी.

पुरस्कारासाठी सादर केलेले सर्व पुरावे स्वयंसाक्षांकित (Self-attested) असणे आवश्यक आहे.

प्रस्तावकाने आपल्या कार्यक्षेत्रात नवोपक्रम, जनसेवा, पारदर्शकता व समाजहितासाठी केलेले योगदान स्पष्टपणे नमूद करावे.

प्रस्तावात दिलेली माहिती व कागदपत्रे “बी द चेंज फाउंडेशन” च्या तज्ञ समितीद्वारे पडताळणी केली जाईल.

निवड झालेल्या सर्व गुणगौरव पुरस्कारार्थींच्या कागदपत्रांची व सेवाविवरणांची अंतिम खातरजमा संबंधित विभाग अथवा संस्थेशी थेट संपर्क साधून केली जाईल.

कोणत्याही कारणास्तव चुकीची माहिती दिल्याचे आढळल्यास संबंधित व्यक्तीचा पुरस्कार रद्द करण्यात येईल.

प्रस्तावकाने आपल्या सेवाकाळात नवीन कल्पना, तांत्रिक नवोपक्रम, प्रशासनिक सुधारणा किंवा नागरिकाभिमुख उपक्रम राबविले असल्यास त्यास विशेष प्राधान्य दिले जाईल.

अधिकारी/कर्मचारी यांनी कार्यकाळात प्रामाणिक, पारदर्शक आणि जबाबदार सेवा बजावलेली असावी.

कोणत्याही प्रकारची विभागीय चौकशी, निलंबन अथवा शिस्तभंग कारवाई प्रलंबित नसावी.

विभागाच्या कामकाजात सुलभता, पारदर्शकता आणि कार्यक्षमता वाढविण्यासाठी नवकल्पना राबविलेली असावी.

डिजिटलायझेशन, ई-गव्हर्नन्स, ऑटोमेशन किंवा प्रक्रियेसुधारणा क्षेत्रात उल्लेखनीय योगदान.

नागरिकाभिमुख उपक्रम, सामाजिक जबाबदारी, पर्यावरण संवर्धन, महिला व बालकल्याण, शिक्षण, आरोग्य, आपत्ती व्यवस्थापन इत्यादी क्षेत्रात सक्रिय सहभाग.

सहकारी अधिकारी व कर्मचारी यांच्यात समन्वय साधत कामकाज यशस्वीपणे पार पाडलेले असावे.

नेतृत्वगुण, निर्णयक्षमता आणि आव्हानात्मक परिस्थितीत कार्यक्षमतेचे प्रदर्शन.

संबंधित विभाग, कार्यालय किंवा प्रकल्पाच्या कार्यक्षमतेत मोजता येईल अशी सकारात्मक सुधारणा केलेली असावी.

नागरिकांना थेट फायदा होईल अशी योजना किंवा उपक्रम राबविलेले असावेत.

वैयक्तिक व व्यावसायिक कौशल्यविकासासाठी घेतलेले प्रशिक्षण, कार्यशाळा किंवा संशोधनात्मक उपक्रम.

कार्यक्षेत्रातील ज्ञान, कौशल्य व गुणवत्ता वृद्धी करण्यासाठी सतत प्रयत्नशील असणे.

शासन, जिल्हा परिषद, किंवा अन्य प्रतिष्ठित संस्थेकडून प्राप्त पुरस्कार, सन्मान अथवा प्रशस्तीपत्रे.

समाजात प्रेरणादायी ठरणारे कार्य किंवा प्रकल्प.

शासकीय जबाबदाऱ्या पार पाडताना समाजाशी सुसंवाद राखून सकारात्मक परिणाम घडविणारे कार्य.

जनजागृती, नैतिक मूल्ये, आरोग्य, स्वच्छता, शिक्षण किंवा पर्यावरण विषयक मोहिमा राबवून समाजावर सकारात्मक प्रभाव निर्माण केलेला असावा.